ხვალ, 30 მაისს, 12:00 საათზე, საქართველოს ავტორთა საზოგადოების წარმომადგენლები რადიოკომპანიების ხელმძღვანელებს შეხვდებიან. შეხვედრა შეეხება სამაუწყებლო კომპანიებისთვის საავტორო უფლებებით სარგებლობის ახალი ტარიფების დაწესებას.
შეხვედრაზე გაიმართება პროგრამის პრეზენტაცია, რომელიც გულისხმობს სატარიფო პოლიტიკის რეფორმირებას, არსებული რეალობის გათვალისწინებით მაუწყებლებისთვის საავტორო უფლებების გამოყენების ტარიფების დაწევას და მათ საერთაშორისო სტანდარტებთან შესაბამისობაში მოყვანას.
შეხვედრაზე ასევე იმსჯელებენ ავტორთა საზოგადოების მიერ რადიოკომპანიების მიმართ აღძრული სასამართლო დავების დარეგულირებისა და მათი გადაწყვეტის გზებზე.
შეხვედრას დაესწრებიან საქართველოს რადიოკომპანიების ხელმძღვანელები.
პროგრამის პრეზენტაციას გამართავენ საქართველოს ავტორთა საზოგადოების თავმჯდომარე გიგა კობალაძე, საზოგადოების გამგეობის წევრები ალექსანრდე ვაშაკიძე და მირიან კულულაშვილი.
შეხვედრა გაიმართება ინტელექტუალური საკუთრების ეროვნული ცენტრის „საქპატენტის" შენობაში - მისამართი: რუსთაველის გამზ. #30 (ყოფილი იუსტიციის სამინისტროს შენობა, შესასვლელი გამზირის მხრიდან)