აშშ-ის ადმინისტრაცია სერიოზულად ცდილობს შეინარჩუნოს გარემოს დაცვაზე მზრუნველი, ეკონომოკურად მომჭირნე და ენერგეტიკულად დამოუკიდებელი მთავრობის იმიჯი, - წერს ИТАР-ТАСС-ი. მათი ინფორმაციით, აშშ-ის მთავრობის ამჟამად არსებულ ინიციატივებს ფედერალური სახელმწიფო დაწესებულებებში ალტერნატიული ენერგიის გამოყენების შესახებ, დაემატა ახალი გეგმა ჩვეულებრივი ავტომობილებიდან ელეტრომობილებზე გადასვლასთან დაკავშირებით.
აღნიშნული ინიციატივის შესახებ, თეთრმა სახლმა ოფიციალურად უკვე განაცხადა. პირველ ეტაპზე შეძენილი იქნება 116 Chevrolet Volt, რაც პირველ ეტაპზე არცთუ მნიშვნელოვანი რიცხვია, რადგანაც აშშ-ის ფედერალური ავტოპარკში 650 ათასი ავტომანქანაა. ამის მიუხედავად, აშშ-ის მთავრობაში აღნიშნულ ინიციატივას წარმატებულად მიიჩნევენ.
116 ელეტრომობილის შეძენა ფედერალურ ბიუჯეტს წელიწადში 116 ათასი დოლარის ეკონომიას მისცემს. 2015 წლისთვის აშშ მთავრობის ავტპარკში მხოლოდ ეკონომიური ავტომანქანები დარჩება. აღნიშნული არ შეეხება პრეზიდენტისთვის განკუთვნილ სპეცავტომანქანებს. აშშ-ის პრეზიდენტმა მთავრობას უკვე დაავალა, რომ შეიმუშაოს შესაბამისი პროგრამა, რაც შესაძლებელს გახდის, 2020 წლისთვის ბენზინის მოხმარება მესამედით შემცვირდეს.