რუსეთისა და აშშ-ს პრეზიდენტები რუსეთის ვაჭრობის მსოფლიო ორგანიზაციაში გაწევრიანების ფორსირებაზე შეთანხმდნენ. ინფორმაციას ამის შესახებ რუსული მედია ავრცელებს.
"ჩვენ რუსეთისა და აშშ-ს ეკონომიკური თანამშრომლობის განვითარებაზე ვისაუბრეთ და ვაჭრობის მსოფლიო ორგანიზაციაში რუსეთის ფორსირებულ გაწევრიანებაზეც", - განაცხადა რუსეთის პრეზიდენტმა ჟურნალისტებთან საუბრისას ბარაკ ობამასთან გამართული მოლაპარაკებების შემდეგ.
"იმედს ვიტოვებ, რომ ჩვენ შევძლებთ ამ პროცედურის ბოლომდე მიყვანას, მაგრამ ამისათვის გარკვეული პირობებია აუცილებელი", - განაცხადა მედვედევმა.