საქართველოს პრეზიდენტმა მიხეილ სააკაშვილმა წყალტუბოს რაიონის სოფელ ყუმისთავში პრომეთეს მღვიმე დაათვალიერა. პრეზიდენტი ახლად რეაბილიტირებულ მღვიმეში შესრულებული სამუშაოებით კამყოფილი დარჩა და აღნიშნა, რომ პრომეთეს მღვიმე საქართველოში ტურისტული ინფრასტრუქტურის განვითარების უტყუარი საწინდარი გახდება.
"აქ პირველად 2007 წელს ვიყავი და სანახაობით მაშინაც მოვიხიბლე. ამ სილამაზეს მთელი მსოფლიო ნახავს. ქუთაისი და წყალტუბო ქვეყნის ტურისტული ცენტრი გახდება. მას შემდეგ, რაც ქუთაისი საპარლამენტო ქალაქი გახდება, ქართველი დეპუტატები წყალტუბოში იცხოვრებენ. პრომეთეს მღვიმეში არსებული უნიკალური ტბა მიწისქვეშა გვირაბის გაყვანისა და სანაოსნო ინფრასტრუქტურის განვითარების შესაძლებლობას იძლევა", - განაცხადა სააკაშვილმა და დასძინა, რომ პრომეთეს მღვიმეს, უნიკალურობიდან გამომდინარე, კონკურენციას მხოლოდ აშშ-ში მდებარე მამონტის მღვიმე უწევს.
პორმეთეს მღვიმის რეაბილიტაცია 3 წლის განმავლობაში გრძელდებოდა, რისთვისაც 10 მილიონამდე ლარი დაიხარჯა. მღვიმის რეაბილიტაციისთვის 35 ათასი ლარი ქუთაისის მერიამაც გაიღო. აღნიშნული თანხა საპროქტო სამუშაოს მოხმარდა. საწყალოსნო ტურისტული მარშრუტის მონაკვეთის საკვლევ-საძიებო სამუშაო კი წყალტუბოს გამგეობამ დამატებით 30 ათასი ლარით დააფინანსა.