მთავრობას საგადასახადო კოდექსში მორიგი ცვლილებები შეაქვს. კოდექსში შესატანი ცვლილებათა პროექტი ამჯერად საერთაშორისო საწარმოს მიერ საქონლის მიწოდებით მიღებული მოგების დაბეგვრას ითვალისწინებს.
ფინანსთა სამინისტროს ინფორმაციით, პროექტის მიზანია საგადასახადო კოდექსის რიგი მუხლების დახვეწა და დაზუსტება. საქმე ეხება თავისუფალი საწყობსა და თავისუფალი ზონის მარეგულირებელი ნორმების ცვლილებას, რომელიც საერთაშორისო საწარმოს და თავისუფალი საწყობის საწარმოს საქმიანობის განვითარებისთვის შესაბამისი საკანონმდებლო რეგულაციების დადგენას ითვალისწინებს.
კანონპროექტის განმარტებით ბარათში ნათქვამია, რომ საგადასახადო კოდექსის 24-ე მუხლის მე-5 ნაწილი ყალიბდება ახლებურად, რომლის მიხედვითაც, თავისუფალ ინდუსტრიულ ზონაში შექმნილი საწარმოსათვის თავისუფალი ინდუსტრიული ზონა მხოლოდ თავისუფალ საწყობს წარმოადგენს და მასზე გავრცელდება თავისუფალ საწყობში საწარმოს ფუნქციონირებისთვის საგადასახადო კანონმდებლობით დადგენილი ნორმები; ვინაიდან საგადასახადო კოდექსის 99-ე მუხლის პირველი ნაწილის ცვლილებით მოგების გადასახადით დაიბეგრება საერთაშორისო საწარმოს მიერ საქართველოს კანონმდებლობით რეგისტრირებული გადასახადის გადამხდელისთვის საქონლის მიწოდებით მიღებული მოგება, აუცილებლობა დადგა და 25-ე მუხლზე დამატებულმა მე-12 ნაწილმა დაადგინა ხარჯების პროპორცია, რომელიც უნდა შეუპირისპირდეს ზემოაღნიშნული მიწოდებით მიღებულ შემოსავალს.
იმავდროლად, საგადასახადო კოდექსის 99-ე მუხლის პირველი ნაწილის ცვლილებით მოგების გადასახადით დაიბეგრება საერთაშორისო საწარმოს მიერ საქართველოს კანონმდებლობით რეგისტრირებული გადასახადის გადამხდელისათვის საქონლის მიწოდებით მიღებული მოგება საგადასახადო კოდექსში შესატანი ცვლილებების გამო, ცვლილება შევა "თავისუფალი ინდუსტრიული ზონების შესახებ~ კანონშიც.
კანონპროექტის თანახმად, "თავისუფალი ინდუსტრიული ზონების შესახებ~ საქართველოს კანონიც, რომლის მიხედვითაც მე-12 მუხლში კეთდება მითითება საქართველოს საგადასახადო კოდექსზე, რომლის მიხედვითაც, საგადასახადო კოდექსის შესაბამისად შესაძლებელია თავისუფალ ინდუსტრიული ზონაში ნებადართულ იქნეს აქციზური საქონლის შეტანა, შენახვა, წარმოება ან/და რეალიზაცია.
