საქართველოს მთავრობა ინფლაციის დონის შემცირებას სექტემბრამდე ელოდება. როგორც დღეს მთავრობის სხდომაზე პრემიერ-მინისტრმა ნიკა გილაურმა განაცხადა, წლიური ინფლაციის მაჩვენებელი დღეისათვის 13 პროცენტზე მეტია, თუმცა მომდევნო თვეებეში ინფლაციის დონე დაიკლებს და სექტემბერში 8-9 პროცენტის ფარგლებში იქნება.
"მაისის მაჩვენებლები ჯერ არ გვაქვს, მაგრამ მარტსა და აპრილში ინფლაციის მაჩვენებელი ნულოვანი იყო, თუმცა წლიური 12-თვიანი ინფლაცია მაინც მაღალია და 13 პროცენტიზე მეტია, რაც კარგი არ არის. გვაქვს პროგნოზი რომ მაისში ივნისა და ივლისში ინფლაციის მაჩვენებელი შემცირდება და სექტემბრისთვის წლიური ინფლაცია 10 პროცენტზე ნაკლები იქნება. სავარაუდოდ 8-9 პროცენტის ფარგლებში", - განაცხადა გილაურმა.