ყატარელი ბიზნესმენები, საქართველოს სოფლის მეურნეობის დარგში ინვესტიციას განახორციელებენ. საქართველოში სტუმრად მყოფი ბიზნესმენები, დღეს სოფლის მეურნეობის მინისტრმა ბაკურ კვეზერელმა მიიღო.
შეხვედრაზე მხარეებმა ორმხრივ თანამშრომლობასა და საქართველოში ყატარული ინვესტიციების მოზიდვაზე ისაუბრეს.
ყატარელი ბიზნესმენები საქართველოს საინვესტიციო გარემოს 6 თვის განმავლობაში იკვლევდნენ.
"უცხოური ინვესტიციები საჭიროა, როგორც ახალი სამუშაო ადგილების შესაქმნელად, ასევე სხვადასხვა პრობლემის მოსაგვარებლად. თუნდაც მოსავლის დაბინავებასთან დაკავშირებით,"- აღნიშნა შეხვედრის შემდეგ სოფლის მეურნეობის მინისტრმა ბაკურ კვეზერელმა.