პორტებში გემებისთვის გაწეული მომსახურება დღგ-ის ორმაგი დაბეგვრისგან გათავისუფლდა. აღნიშნულთან დაკავშირებით ცვლილებები "საგადასახადო კოდექსში" პარლამენტმა მესამე მოსმენით დაამტკიცა.
მიღებული გადაწვეტილების თანახმად, ჩათვლის უფლებით დღგ-ისგან თავისუფლდება სატრანსპორტო გადაზიდვისას გამოყენებული ცარიელი სატრანსპორტო საშუალებების საქართველოს ფარგლებს გარეთ გაგზავნის მიზნით დატვირთვის, გადატვირთვის, გადმოტვირთვის და შენახვის მომსახურებასა და საქართველოს ეკონომიკურ ტერიტორიაზე ტვირთვის შემოტანისას გემისთვის გაწეულ მომსახურება.
დღეს არსებული რეგულაციით, გემებისთვის გაწეული მომსახურებები ორჯერ იბეგრებოდა, კერძოდ, გემი როდესაც ყიდულობდა პორტში შემოყვანის მომსახურებას, იხდიდა დღგ-ს 18%-ს, რომელსაც ვერ ითვლიდა, რადგანაც საგადასახადო კანონმდებლობის შესაბამისად, დღგ-ის გადამხდელი არ იყო.