აჭარელი ბიზნესმენები საქონლის განბაჟებისას სავალდებულო საბანკო გარანტიის გაუქმებას, ან პროცედურების გამარტივებას ითხოვენ
აღნიშნულ საკითხზე ისინი ხვალ, 21 მაისს, ბათუმში დაგეგმილ შეხვედრაზე, ბიზნესომბუდსმენს პირადად მოახსენებენ.
ბიზნესი ამბობს, რომ კარგი იქნება თუ შემოსავლების სამსახური პროდუქციის ყოველი განბაჟებისას გარანტიის წარდგენის ვალდებულებას მოხსნის და მოფიქრებული იქნება ერთიანი მოდელი, რომლს მიხედვითაც ერთჯერადი გარანტიით მეწარმეები საქონლის მრავალჯერად განბაჟებას მოახერხებენ.
შემოსავლების სამსახურში კი აცხადებენ, რომ აღნიშნულ საკითხზე მუშაობა უკვე დაწყებულია და შემოსავლების სამსახური აღნიშნული რეგულაციის გამარტივებაზე მუშაობს.