მთავრობა ქართულ-ინგლისური კომპანია "ცირკონ ისთეითს ჯი-თი-ბისთან" დადებულ ხელშეკრულებას გადახედავს. "ჯი-ეიჩ-ენის" ინფორმაციით, "ცირკონ ისთეითს ჯი-თი-ბი" სახელმწიფოს წინაშე აღებულ ვალდებულებებს ვერ ასრულებს.
კომპანიას, ბათუმში ყოფილი მინისტრთა საბჭოს შენობის ადგილზე 5-ვარსკვლავიან სასტუმრო უნდა აეშენებინა.
ინვესტორმა შენობის დემონტაჯი მოახდინა, თუმც შემდგომ სამშენებლო სამუშაოები არ დაუწყია. თუ კი აჭარის მთავრობასა და ინვესტორს შორის ხელშეკრულების დეტალებზე შეთანხება ვერ მოხდა, მაშინ აჭარის მთავრობას მისი ანულირება მოუწევს და ინვესტორს ქონება ჩამოერთმევა.
ბათუმში რუსთაველის ქუჩაზე მდებარე ფართი "ცირკონ ისთეთს ჯი-თი-ბი"-მ პირობებიან აუქციონზე 2007 წელს შეიძინა, რაშიც 5 მლნ. დოლარი გადაიხადა. პირობების თანახმად სასტუმრო არანაკლებ 80 ნომერზე უნდა ყოფილიყო გათვლილი. როგორც ცნობილია "ცირკონ ისთეთს ჯი-თი-ბი" სასტუმროს ოპერირებაზე მოლაპარაკებებს "ჰილტონთან", "მერიოტთან" და "ინტერკონტინენტალთან" აწარმოებდა.
