ბათუმის ცენტრში განთავსებული ყველა სახელმწიფო დაწესებულება ადგილმდებარეობას შეიცვლის და ქალაქის გარეუბანში გადავა, ამის შესახებ "ჯი-ეიჩ-ენთან" საუბრისას აჭარის ფინანსთა და ეკონომიკის პირველმა მოადგილემ აბესალომ გურგენიძე განაცხადა.
მისი თქმით, აჭარის მთავრობას აღებული აქვს კურსი, რომლის მიხედვით, ბათუმის ცენტრში მდებარე ყველა სახელმწიფო შენობა გაიყიდება, მხოლოდ ერთადერთი პირობით, - იქ აუცილებლად ტურისტული ობიექტები უნდა განთავსდეს.
უკვე ცნობილია, რომ გაიყიდება ბათუმის ცენტრში მდებარე პროკურატურისა და ეროვნული ბანკის ყოფილი შენობები. გასხვისდება ასევე ცენტრში მდებარე ყოფილი მე-6 სკოლისა და სახელმწიფო დაცვის შენობები.
აღსანიშნავია, რომ აჭარის უმაღლესი საბჭოს დროებითი განთავსების ადგილი, დღეს ან ხვალ განისაზღვრება.
უმაღლესი საბჭოს დროებითი დისლოკაციისათვის რამდენიმე ვარიანტი განიხილიება, მათ შორის ბონში, მე-5 საჯარო სკოლის ყოფილ შენობა. უმაღლესი საბჭო საბოლოოდ, ჩაქვში სავადმყოფოს ყოფილ შენობაში უნდა გადავიდეს, თუმცა სარემონტო სამუშაოების გაჭიანურებს გამო უმაღლესი საბჭო დროებითი ადგილსამყოფელს ძიებაშია. მემედ აბაშიძიხს გამზირზე მდებარე უმაღლესი საბჭოს შენობის მინების დემონტაჟი უკვე დაწყებულია.
აჭარის უმაღლესი საბჭოს დაცლის შემდეგ დაიცლება აჭარის მთავრობის სახლიც და მთავრობა "ბათუმის №1 საავადმყოფოს" შენობაში დაიდებს ბინას.
"ბათუმის №1 საავადმყოფოს" შენობა უფუნქციოდ მას შემდეგ დარჩა, რაც აჭარის მთავრობამ მისი "ბათუმის რესპუბლიკური კლინიკური საავადმყოფოსთან" გაერთიანება გადაწყვიტა.
აჭარის მთავრობის სახლი გამონთავისუფლდების შემდეგ კი აჭარის ფინანსთა და ეკონომიკის სამინისტრო მის რეალიზაციას შეეცდება, ისევე როგორც აჭარის უმაღლესი საბჭოს შენობის.