სარფის საბაჟო პუნქტის გახსნამდე საქართველოს თურქეთის სავაჭრო-სამრეწველო პალატებისა და საფონდო ბირჟების გაერთიანების დელეგაცია სტუმრობს. თურქ მეწარმეებს სახელმწიფო კანცელარიაში დღეს ფინანსთა მინისტრი კახა ბაინდურაშვილი შეხვდა და ქვეყანაში განხორციელებული რეფორების შესახებ დეტალური ინფორმაცია მიაწოდა. შეხვედრაზე განხილული იყო ასევე სამომავლო თანამრომლობის საკითხები, მათ შორის, საკანონმდებლო კუთხით. საუბარია როგორც ქართული ისე თურქული მხრიდან ბიზნესის ინფორმირების მიზნით სხვადასხვა რეგულაციის ქართულ და თურქულ ენებზე თარგმნაზე.
"ეს არის წიასწარი ვიზიტი, სარფის საბაჟო-გამშვები პუნქტის გახსნამდე, რომელიც 31 მაისს გაიხსნება და მის გახსნას თურქეთისა და საქართველოს პირველი პირები დაესწრებიან. გამშვები პუნქტის გახსნა ხელს შეუწყობს თურქეთსა და საქართველოს შორის ბიზნესის განვითარებას. თურქეთი გახლავთ ნომერ პირველი სავაჭრო ქვეყანა საქართველოსთვის და არის კიდევ რაღაც საკითხები, რაც შესაძლოა დამატებითი ბიზნესაქტივობის საწინდარი გახდეს. დღეს ასევე გვქონდა თურქულ ენაზე საბაჟო კანონმდებლობის პრეზენტაცია. ასეთი ტიპის სახელმძღვანელოები სამომავლოდაც გამოიცემა და ინტესიურად მოხდება მათი განახლება", - განაცხადა შეხვედრის შემდეგ ბაინდურაშვილმა.
"მოხარული ვარ, რომ საქართველოში კიდევ ერთხელ ჩამოვედი და ყოველ ჩამოსვლაზე ვხედავ, რომ საქართველო რევოლუციურ ნაბიჯებს დგამს, რაც საქართველოს მთავრობის დამსახურებაა. საქართველში არის ბევრი ცვლილება, რაც ხელს უწყობს, რომ ინვესტიციები შემოვიდეს ქვეყანაში. თუ არ არის ცვლილება, არ არის ინვესტიციები, შესაბამისად, თუ არის ცვლილება, შემოდის ინვესტიციები. ეს მნიშვნელოვანია ხალხისთვის, რადგან თუ არის ინვესტიცები, ქვეყანაც ვითარდება და უმჯობესდება ხალხის ცხოვრება. საქართველომ ძალიან ბევრი გააკეთა კორუფციასთან ბრძოლის მიმართულებით. ეს ყველაფერი მნიშვნელოვანია თურქეთისათვის და თურქი ინვესტორებისთვის. ასევე ძალიან დიდი მნიშვნელობა აქვს სარფის საბაჟო-გამშვები პუნქტის ერთობლივ კონტროლს", - განაცხადა TOBB-ის პრეზიდენტმა რაფატ ჰისარციკლიოუგუმ.
ფინანსთა სამინისტროს ინიციატივით, თურქ სტუმრებს გადაეცათ საგადასახადო კოდექსის გამარტივებული ვერსია ე.წ. "საგადასახადი წიგნაკი" თურქულ და ინგლისურ ენებზე.
ვიზიტის ფარგლებში დელეგაციის წევრებმა ფინანსთა მინისტრ კახა ბაინდურაშვილთან ერთად უკვე დაათვალიერეს ლილოს გაფორმების ეკონომიკური ზონა. მინისტრთან გამართულ შეხვედრაზე იმსჯელეს ორ ქვეყანას შორის არსებულ ბიზნესგარემოზე, ასევე საბაჟო ინფრასტრუქტურის განვითარების საკითხებზე.
დღესვე თურქეთის სავაჭრო სამრეწველო პალატებისა და საფონდო ბირჟების გაერთიანების დელეგაცია შეხვდება ეკონომიკისა და მდგრადი განვითარების მინისტრ ვერა ქობალიას.
საფონდო ბირჟა თურქეთში უმალესი იურიდიული პირია, რომელიც წარმოადგენს თურქეთის კერძო სექტორს. იგი მოიცავს 365 სავაჭრო პალატასა და საფონდო ბირჟას. საფონდო ბირჟაწარმოადგენს თურქეთის 1300-ზე მეტ კომპანიას.