მიმდინარე წელს შავი ცეილონის ჩაის ფასი, შესაძლოა, 14%-ით გაიზარდოს. ამის შესახებ სააგენტო Bloomberg-თან საუბრისას შრი-ლანკის ჩაის საბჭოს გენერალურმა დირექტორმა ჰემარატნიმ განაცხადა.
მისი ვარაუდით, მიმდინარე წელს ფასები, შესაძლოა, საშუალოდ კილოგრამზე 4 დოლარით გაიზარდოს, ეს მაშინ, როცა შარშან ფასები ერთ კილოგრამ ჩაიზე 3,5 დოლარი იყო. ჩაის ფასის გაძვირება კენიაში გვალვამ განაპირობა, რომელიც მსოფლიოში შავი ჩაის მსხვილი ექსპორტიორია. ამას ემატება ინდოეთში შავ ჩაიზე განსაკუთრებული მოთხოვნა, რომელიც ჩინეთის შემდეგ ჩაის მეორე მწარმოებელია.
თავის მხრივ, შრი-ლანკა ჩაის წარმოების სიდიდით მსოფლიოში მეოთხე ადგილზეა, ექსპორტის თვალსაზრისით, კი მას მესამე ადგილი უჭირავს.
მიმდინარე წლის პირველი სამი თვის განმავლობაში შრი-ლანკაში დაახლოებით 76,2 მილიონი კილოგრამი ჩაის ფოთოლი შეაგროვეს, შარშან კი მისი მოცულობა 74 მილიონ კილოს შეადგენდა. მთლიანობაში, 2010 წელს კუნძულზე 329 მილიონი ჩაი შეგროვდა.
