კომპანია "ტექნო ბუმი" განვითარების ახალ სტრატეგიას ირჩევს და მთავარ აქცენტს რეგიონებში ფრანჩაიზების გახსნაზე გააკეთებს. ახალი სტრატეგიის ფარგლებში, 13 მაისს ბუმის ცენტრი კიდევ ერთ დიდ ქალაქში - გორში გაიხსნება. ფრანჩაიზა სავაჭრო ცენტრ "გალერეაში" 1000 კვ. მეტრ ფართობზეა განთავსებული. ბუმის ცენტრის გახსნასთან დაკავშირებით კომპანია გორში საჩუქრების ბუმით შედის და მხოლოდ სამი დღის განმავლობაში 13,14 და 15 მაისს მომხმარებელს სპეციალურ აქციას სთავაზობს.
მენეჯმენტის ცნობით, აქციის პირობების თანახმად, ყველა მომხმარებელი, ვინც ტექნიკას გორის მაღაზიაში შეიძენს, სპეციალურად ამ დღისთვის მოწყობილი საჩუქრების ბუმიდან თავად ამოიღებს საჩუქარს.
გამომდინარე იქედან, რომ კომპანიის ფინანსური რესურსით ამ პროექტის განხორციელება ამ ეტაპზე შეუძლებელი იყო, მენეჯმენტმა მომხმარებელთა მოთხოვნის დასაკმაყოფილებლად ახალი, საინტერესო, განსხვავებული სტრატეგია შეიმუშავა და ტენდერი გამოაცხადა "ტექნო ბუმის" ფრანჩაიზების გახსნაზე.
"წინადადებების განხილვა ამ ეტაპზედაც მიმდინარეობს და ეტაპობრივად ტექნო ბუმის ცენტრები გაიხსნება სხვადასხვა რეგიონში", - აცხადებენ ტექნო ბუმში.
"ტექნო ბუმი" ქართულ ბაზარზე ამ დროისთვის უკვე ექვსი მაღაზიითაა წარმოდგენილი, მათ შორის ცოტა ხნის წინ ბუმის მაღაზია ზესტაფონში გაიხსნა. დღეს ბუმის ცენტრი იხსნება გორში, 18 მაისს "ბათუმი პლაზაში", ივნისის მეორე ნახევარში კი ქუთაისში გახსნის.