პირველი ეროვნული ბიზნეს დაჯილდოება "მერკური 2011"-ის სამი ძირითადი ნომინაციიდან ორი ვისოლ ჯგუფს ერგო. ხალხის არჩევანით ვისოლ ჯგუფი წლის საუკეთესო დამსაქმებელი, ხოლო ვისოლ ჯგუფის სამეთვალყურეო საბჭოს თავმჯდომარე სოსო ფხაკაძე წლის მეწარმე გახდა.
„2010 წელს ვისოლ ჯგუფი ევროპის ბიზნეს დაჯილდოების წარმატებულ კომპანიათა ათეულში მოხვდა. თუმცა ჯილდო, რომელიც დღეს მოგვანიჭა ჩვენმა მომხმარებელმა და ზოგადად ქართველმა საზოგადოებამ მრავალჯერ აღემატება ყველა იმ ჯილდოს და პრიზებს, რომელიც ვისოლ ჯგუფს მიღებული აქვს თავისი კორპორაცილი ისტორიის მანძილზე. ჩვენ ბიზნესს ვაკეთებთ საქართველოში, ვემსახურებით ადგილობრივ მომხმარებელს და ბუნებრივია, ამ კონკურსზე ჩვენი საქმიანობის ასეთი სახით აღიარება არის ჩვენთვის შეუდარებელი, აუღრესად დიდი სიხარულის მომგვრელი ფაქტი". - განაცხადა "ვისოლ ჯგუფის" სამეთვალყურეო საბჭოს თავმჯდომარემ სოსო ფხაკაძემ.
ახალი ტექნოლოგიების სახლში გამართულ ბიზნეს დაჯილდოებაზე 250-ზე მეტი მონაწილე კომპანიიდან ნომინანტებს შორის 45 ქართული კომპანია დასახელდა, რომლებიც ეკონომიკისა და მდგრადი განვითარების სამინისტრომ საინვესტიციო სააგენტოსთან ერთად წინასწარ შეარჩია. ვისოლ გჯუფი ერთადერთი ბრენდია, რომელსაც ბიზნეს დაჯილდოებაზე ორი ჯილდო ერგო, თან სწორედ იმ ნომინაციებში, სადაც საზოგადოებას საშუალება ქონდა თავისი აჩევანი გაეკეთებინა და მხარი დაეჭირა მათთვის რჩეული ბრენდისთვის და მეწარმისთვის.
"ვისოლ ჯგუფი" ერთ-ერთი უდიდესი ბიზნეს ჯგუფია საქართველოში, რომელმაც უკვე არა მხოლოდ ენერგეტიკის თითქმის ყველა სფერო მოიცვა, არამედ სამშენებლო და სარეკლამო ბიზნესშიც დაიმკვიდრა სახელი და სუპერმარკეტების ქსელის განვითარებაზეც მუშაობს. ვისოლ ჯგუფი 3000-მდე თანამშრომლით ყველაზე დიდი დამსაქმებელია საქართველოს ნავთობსექტორში.