აზერბაიჯანის ტურისტულ ობიექტებში ფასები შდარებით კონკურენტუნარიანი გახდა.
როგორც აზერბაიჯანის ტურისტული კომპანია SW Travel-ის ხელმძღვანელმა შირზად ეფენდიევმა განაცხადა, თურქეთში ტურისტული ინდუსტრიის გაძვირებამ, აზერბაიჯანში დასვენების ფასები შედარებით კონკურენტუნარიანი გახადა.
„აზერბაიჯანელთა ნაწილი, რომელიც თურქეთში დასვენების ამჯობინებდა, თურქეთში დასვენების გაძვირების გამო, დასვენებას აზერბაიჯანის ტურისტულ რეგიონებში აპირებს, რაც ქვეყნის ტურისტული ინდუსტრიის განვითარებაზე დადებითად აისახება"- განაცხადა SW Travel-ის ხელმძღვანელმა.
აღსანიშნავია, რომ თურქეთში ტურისტული ობიექტების მფლობელებმა ფასები 20 %-ით გაზარდეს, რაც ქვეყანაში ტურისტების დიდი ნაკადის მოლოდინს უკავშირდება, რაც თავის მხრივ არაბეთის ქვეყნებში პოლიტიკური არასტაბილურობიდან გამომდინარეობს.
თურქეთის მიმართულებით გაძვირდა ასევე ავიაბილეთების ღირებულებაც.