"ქართული დასის" ლიდერი, ოპოზიციონერი დეპუტატი ჯონდი ბაღათურია ხელისუფლებისგან მისი პარტიის მიერ შემუშავებული "სოფლის მეურნეობის განვითარების პროგრამის" დაფინანსებას კატეგორიულად მოითხოვს. ამის შესახებ ბაღათურიამ დღეს, პარლამენტში გამართულ ბრიფინგზე განაცხადა.
მისი მტკიცებით, პარლამენტში პრეზიდენტმა და მთავრობამ საჯაროდ პირობა დადო, რომ "ქართული დასის" მიერ წარმოადგენ სოფლის მეურნეობის პროექტს 150 მილიონი ლარით დაფინანსებდა.
"ჩვენს მიერ შემუშავებული პროგრამა ქვეყანას გადაარჩენს, რომელიც 540 ათასზე მეტ მაღალ ანაზღურებად სამუშაო ადგილს შექმნის, 4-ჯერ გაზრდის ბიუჯეტს, გაზრდის პენსიებს, შესაძლებელს გახდის ჯანდაცვის ხელმისაწვდომობას და მოხსნის ყველა სოციალურ პრობლემას", - აღნიშნავს ოპოზიციონერი დეპუტატი.
ამასთან, ბაღათურიას თქმით, იმისთვის, რომ ხელისუფლებას აიძულოს მისი პარტიის მიერ Dშემუშავებული პროექტის დაფინანსება ერთ კვირაში რეგიონებში და სოფლებში გასვლას დაიწყებს და გლეხებს პირადად გააცნობს აღნიშნული პროგრამას.
ამასთან, ბაღათურიამ აღნიშნა, საკვები პროდუქტების გაძვირება, საქართველოში სოფლის მეურნეობის პროდუქტების წარმოების კატასტროფულად შემცირებამ გამოიწვია.
დეპუტატმა აღნიშნული პრობლემა ციფრებით წარმოადგინა. კერძოდ, 2005-2009 წლების მონაცემებით, ხორბლის წარმოება საქართველოში 70%-ით შემცირდა, ქერის 69%-ით, სიმინდის 31%-ით, ლობიოს 57%-ით, კარტოფილის 50%-ით, ბოსტნეულის 61%-ით, ბაღჩეულის 63%-ით, ყურძენი 40 %-ით.
