დიდი ბრიტანეთი სავარაუდოდ სასამართლოს მიმართავს, რათა ისლანდიური ბანკი Icesave-ს ვალების გადახდა აიძულოს. დავალიანების მოცულობა 5 მლრდ დოლარს შეადგენს. ამის შესახებ ბრიტანეთის ხაზინის შეფ-მდივანმა დენი ალექსანდერმა ისლანდიაში გამართული რეფერენდუმის შედეგების კომენტარისას განაცხდა.
ბი-ბი-სის ინფორამაციით, გამორიცხული არ არის, რომ სასამართლოს ჰოლანდიამაც მიმართოს, რათა ილსნდიას ვალების გადახდა აიძულოს.
შეგახსენებთ, რომ რეფერენდუმზე წინასწარი მონაცემებით, ისლანდიელების 60 პროცენტმა ნიდერლანდებისა და დიდი ბრიტანეთისთვის Icesave-ის ვალების გადახდის წინააღმდეგ მისცა ხმა.
ისლანდიის ხელისუფლება აღნიშნავს, რომ რეფერენდუმზე ქვეყნის მოქალაქეებმა მოვლენების განვითარების ყველაზე უარესი ვარიანტი აირჩიეს. ისლანდიის პრემიერ-მინისტრი არ გამორიცხავს, რომ მიღებული გდაწყვეტილების შედეგად ქვეყანაში მორიგი ეკონომიკური კრიზისი დაიწყება.
