ტურიზმის ეროვნული სააგენტოს ინფორმაციით, 2011 წლის იანვარ-მარტში, საქართველოს 486 506 ვიზიტორი ესტუმრა, რაც წინა წლის ანალოგიურ მაჩვენებელს 41%-ით აღემატება.
2011 წლის იანვარ-მარტში, ევროპის ქვეყნებიდან (დსთ-ს ქვეყნების გარეშე) საქართვ-ლოში 170 566 ვიზიტორი შემოვიდა (შემოსულ ვიზიტორთა 35,1%), რაც გასულ წელთან შედარებით 41%-ით მეტია.
სააგენტოს მონაცემების მიხედვით, სამ თვეში, დსთ-ს ქვეყნებიდან შემოსულია 298 396 ვიზიტორი (ვიზიტორთა 61,3%), რაც 2010 წლის იანვარ-მარტის მაჩვენებელთან შედარებით 41 %-ითაა გაზრდილი.
ამავე პერიოდში, ამერიკიდან შემოვიდა 4 423 ვიზიტორი (შემოსულ ვიზიტორთა 0,9%), რაც 2010 წლის სამი თვის ანალოგიურ მაჩვენებელზე 28%-ით მეტია, აზიის ქვეყნებიდან _ 12 085 ვიზიტორი (შემოსულ ვიზიტორთა 2,5%), რაც წინა წლის ანალოგიურ მაჩვენებელს 69%-ით აღემატება, აფრიკიდან _ 354 ვიზიტორი (შემოსულ ვიზიტორთა 0,1%), რაც გასული წლის მაჩვენებელს 83%-ით აღემატება, ხოლო დანარჩენი მსოფლიოდან - 682 ვიზიტორი (ვიზიტორთა 0,1%), რაც გასული წლის მაჩვენებელს 7,7%-ით აღემატება.
აღნიშნულ პერიოდში, დსთ-ს ქვეყნებიდან შემოსულ ვიზიტორთა (298 396) უდიდესი ნაწილი აზერბაიჯანზე მოდის. კერძოდ, აზერბაიჯანიდან შემოვიდა 139 706 ვიზიტორი (დსთ-ს ქვეყნების ვიზიტორთა 46,8%), რაც გასული წლის სამი თვის ანალოგიურ მაჩვენებელს 36%-ით აღემატება. სომხეთიდან შემოვიდა 107 713 ვიზიტორი (დსთ-ს ვიზიტორების 36%), რაც გასული წლის იანვართან შედარე-ბით 50%-ით მეტია.