კომპანია `თელასის" ქვესადგურში `დიდუბე" პროფილაქტიკური სარემონტო სამუშაოების ჩატარების გამო 12 აპრილს 10 საათიდან 17 საათამდე დიდუბის რაიონის ნაწილს ელექტრომომარაგება დროებით შეეზღუდება.
ელექტრომომარაგება შეეზღუდება: წერეთლის გამზირს (ნაწილობრივ), ხოშარაულის, გუდაუთის, ვანის, ბაქრაძის, მირცხულავას, წყალტუბოს, სამტრედიის, აგლაძის, წინამძღვრიშვილის ქუჩების მაცხოვრებლებს. შეზღუდვა აგრეთვე შეეხება ავტოსადგურ "ოკრიბას".
ხოლო 13 აპრილს 10 საათიდან 17 საათამდე ელექტრომომარაგება დროებით შეეზღუდება დიდუბის და ნაძალადევის რაიონების ნაწილს. შეზღუდვა შეეხება მეტრო დიდუბის მიმდებარე ტერიტორიას, წერეთლის გამზირს (ნაწილობრივ), ცოტნე დადიანის (ნაწილობრივ), ზესტაფონის და ნინუას ქუჩების მაცხოვრებლებს.
სარემონტო სამუშაოების დამთავრებისთანავე მომხმარებლებს ელექტროენერგიის მიწოდება აღუდგება.
