12 აპრილს, 11:00 გორში, "იძულებით გადაადგილებულ პირთა ცხოვრების სტაბილიზაციისა და მათი საზოგადოებაში ინტეგრირების პროექტის" (SIIMS) ფარგლებში სასოფლო-სამეურნეო ტექნიკის გადაცემის ცერემონიალი გაიმართება. სასოფლო-სამეურნეო ტექნიკა გადაეცემათ საქაშეთისა და შავშვების დევნილი და ადგილობრივი თემის წარმომადგენლებისაგან შემდგარ მექანიზატორთა სერვის-ჯგუფებს.
ღონისძიებას დაესწრებიან: საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრი კობა სუბელიანი, შიდა ქართლის გუბერნატორი ზურაბ არსოშვილი, სოფლის მეურნეობისა სამინისტროს წარმომადგენლები. აგრეთვე, საქართველოში მოქმედი საერთაშორისო და ადგილობრივი არასამთავრობო ორგანიზაციათა ხელმძღვანელი პირები.
ეს სასოფლო-სამეურნეო ტექნიკის გადაცემის მესამე ეტაპია. ქეამ 2010 წლის მარტსა და ოქტომბერში უკვე გადასცა ტექნიკა სკრის, ბერბუკის, ახალსოფლის, კოდის, შაუმიანისა და ხურვალეთის მექანიზატორთა სერვის-ჯგუფებს. თითოეული ჯგუფისათვის მიწოდებული ტექნიკის კომპლექტის ღირებულებაა 130 00 აშშ დოლარი. პროექტის ფარგლებში აგრეთვე ხდება ჯგუფების მუდმივი ტრენინგი ბიზნეს გეგმის შედგენის, ბუღალტერიისა და მსგავს საკითხებზე მათი ინსტიტუციონალური გაძლიერებისათვის. აღსანიშნავია, რომ მუშაობის დაწყებიდან აღნიშნულმა ჯგუფებმა ჯამში მიიღეს 70 682 ლარი (დაახლოებით 41 578 აშშ დოლარი) შემოსავალი. დღეისათვის 2000-მდე იძულებით გადაადგილებულმა პირმა და ადგილობრივმა ფერმერებმა ისარგებლა მათი მომსახურებით .