მარტში, წინა თვესთან შედარებით, საქართველოში ინფლაციის დონემ 0,0 პროცენტი შეადგინა. „საქსტატის" ინფორმაციით, აღნიშნული მაჩვენებლის ფორმირებაში ძირითადი გავლენა იქონია ფასების ცვლილებამ შემდეგ
ჯგუფებზე: სურსათი და უალკოჰოლო სასმელები: მოცემულ პერიოდში ფასები შემცირდა 0,1 პროცენტით, შესაბამისად, ჯგუფის წვლილმა ინფლაციის საერთო მაჩვენებელში -0,05 პროცენტი შეადგინა. ფასების ყველაზე დიდი კლება დაფიქსირდა რძის, ყველისა და კვერცხის ქვეჯგუფზე - 4,8 პროცენტი, ბოსტნეულსა და ბაღჩეულზე - 2,2 პროცენტი, შაქარსა და საკონდიტრო ნაწარმზე - 1,9 პროცენტი.
ტანსაცმელი და ფეხსაცმელი: მოცემულ ჯგუფში ფასები შემცირდა 2,8 პროცენტით. მათ შორის ფასების მნიშვნელოვანი კლება დაფიქსირდა: ფეხსაცმლის ქვეჯგუფზე - 6,1 პროცენტი, ბავშვისა და ქალის ტანსაცმელზე - 2,0 პროცენტი და 1,9 პროცენტი, შესაბამისად.
2011 წლის მარტში წინა თვესთან შედარებით ფასების მატება დაფიქსირდა ტრანსპორტის ჯგუფზე 1,8 პროცენტი, რომლის წვლილმაც ინდექსში 0,17 პროცენტი შეადგინა.
მოცემულ პერიოდში ფასები გაიზარდა საწვავზე - 4,3 პროცენტით, პირად სატრანსპორტო საშუალებების ექსპლოატაციაზე - 3,6 პროცენტით და სატრანსპორტო მომსახურებაზე - 1,3 პროცენტით.