სენაკში ძლიერმა ქარმა რამდენიმე ოჯახსა და ადმინისტრაციულ შენობას ზიანი მიაყენა. როგორც სენაკის გამგებელმა, კობა კილასონიამ "ჯი-ეიჩ-ენს" განუცხადა, გუშინ ძლიერი ქარის გამო დაზიანდა რამდენიმე ადმინისტრაციული შენობა.
"ქარმა სახურავი გადახადა რამდენიმე სახლს, ადმინისტრაციულ შენობას, ასევე დააზიანა დევნილთა სკოლა სოფელ ზანაში", - განუცხადა "ჯი-ეიჩ-ენს" კობა კილასონიამ.
ძლიერმა ქარმა სახურავი ახადა ქალაქის ცენტრში მდებარე რესტორან "ტურისტს".
კილასონიას განცხადებით, ზარალის რაოდენობა ამ ეტაპზე დადგენილი არ არის. სენაკის გამგებლის განცხადებით, ამ დროისათვის სენაკში შედარებით მშვიდი ამინდია
