წელს საქართველო საექსპორტო ბაზრებზე 25 ათასი ტონა სიმინდის ექსპორტს განახორციელებს.როგორც დღეს მთავრობის სხდომაზე სოფლის მეურნეობის მინისტრმა ბაკურ კვეზერელმა განაცხადა, საქართველოს სოფლის მეურნეობას ექნება იმის საშუალება რომ წელს სიმინდი ექსპორტზე გაიტანოს და ადგილობრივი ბაზარი სრულად დააკმაყოფილოს.
"სიმინდის სრული მოხმარების 75 პროცენტს ადგილზე ვაწრამოებდით მაგრამ უკვე წელს გვექნება იმის საშუალება რომ ექსპორტი დავიწყოთ და წელს მინიმუმ 25 ათასი ტონა სიმინდის ექსპორტი განხორციელდება, რაც ნიშნავს იმას, რომ ადგილობრივ ბაზარზე 25 პროცენტიან იმპორტსაც ჩავანაცვლებთ და სიმინდს ექსპორტზეც გავიტანთ", - განაცხა ბაკურ კვეზერელმა.
მინისტრი აცხადებს, რომ სიმინდის ექსპორტის შემდეგ ქვეყანას საშუალება ექნება ამ მიმართულებით დამატებითი საინვესტიციო რესურსი მოიზიდოს
ხოლო, რაც შეეხება სიმინდის პროგრამას, მინისტრი აცხადებს, რომ ამ დროისათვის უკვე დარეგისტრირებულია 35 ათასზე მეტი ფერმერი, რომლებიც სახელმწიფოსგან სიმინდის თესლს შეიძენენ.
"პროგრამა საკმაოდ წარმატებულად მიმდინარეობს და ზოგიერთ რაიონში ხვნა-თესვაც დაწყებულია. იმისათვის, რომ პრობლემა არ შეიქმნას, ყველა რეგიონში არის შესაბამისი საწყობი და სწორედ ამ სასაწყობე მეურნეობიდან გაიცემა თესლი. სიმინდის დარიგება 10 აპრილისთვის დასრულდება და პარალელურ რეჟიმში თესვის ღონისძიებები დაიწყება", - განაცხადა სოფლის მეურნეობის მინისტრმა.
კვეეზრელი ამბობს, რომ 15 აპრილს სოფლის მეურნეობის სამინისტროს უკვე დეტალური ინფორმაცია ექნება თუ რა მოცულობის ფართობზე დაითესება თესლი. მინისტრის განცხადებით, ზოგიერთ რეგიონში დაწყებულია ასევე სარწყავი არხების რეაბილიტაცია, რაც უახლოეს პერიოდში დასრულდება.
"ზოგიერთ რეგიონში სარწყავი სისტემების რეაბილიტაცია მიმდინარეობს, რაც საზაფხულო სამუშაოების მნიშვნელოვანი ნაწილია. სარწყავი საშუალებების მუშაობა და მისი ფუნქციონირება სარწყავი სამუშაოების დაწყებამდე აუცილებლად დასრულდება და გლეხს საშუალება ექნება უპრობლემოდ მოახდინოს მისი ექსპლუატაცია",' - განაცხადა სოფლის მეურნეობის მინისტრმა.
