ლიბიის ქალაქ ბენგაზში, სადაც ოპოზიციური ძალები არან გამაგრებული, ძლიერი აფეთქებების ხმა ისმის. როიტერის ინფორმაციით, ქალაქის თავზე ავიაგამანადგურებელი დაფრინავს.
მუამარ კადაფის მიერ ცეცხლის შესყვეტის შესახებ განცხადების მიუხედავად, მისადმი ლოიალურად განწყობილი საჯარისო ნაწილები ქალაქის დაბომბვას კვლავ აგრძელებენ.
შეგახსენებთ, რომ გაეროს უშიშროების საბჭომ მიიღო რეზოლუცია რომლის მიხედვითაც, ლიბია დახურულ საფრენ ზონად გამოცხადდა.
საპასუხოდ კადაფიმ ცეცხლის შეწყვეტისა და მოლაპარაკებების დაწყების შესახებ მზადყოფნა გამოთქვა, რასაც ოპოზიცია ეჭვის თვალით უყურებს და მას კადაფის "მორიგი ბლეფი" უწოდეს.
იმავდროულად ლიბიის ოპერაციაში მონაწილეობის მზადყოფნა გამოთქვეს საფრანგეთმა, დიდმა ბრიტანეთმა და სხვა სახელმწიფოებმა.
ლიბიაში სამოქალაქო დაპირისპირება კადაფის გადადგომის მოთხოვნით 15 თებერვალს დაიწყო