საქართველოს პრეზიდენტი მიხეილ სააკაშვილი ტირძნისელი არასრულწლოვნების გათავისუფლებას მიესალმება, თუმცა ორი მოზარდის ტყვეობაში დარჩენის გამო შეშფოთებას გამოთქვამს. ქვეყნის პირველი პირის პოზიცია დღეს გამართულ სპეციალურ პრესკონფერენციაზე მისმა პრესსპიკერმა მანანა მანჯგალაძემ გაახმოვანა.
"პრეზიდენტი მიესალმება ორი არასრულწლოვნის გათავისუფლეს, მაგრამ ბოლომდე კმაყოფილი არ არის და შეშფოთებულია იმის გამო, რომ დარჩენილ ორ მოზარდს პატიმრობა მიესაჯა", - განაცხადა მანჯგალაძემ.
მისივე განმარტებით, ქვეყნის ხელისუფლება ჯერ კიდევ ტყვეობაში მყოფი ორი მოზარის გასათავისუფლებლად ყველაფერს გააკეთებს და საერთაშორისო ორგანიზაციებთან თანამშრომლობას გააგრძელებს.
ქვეყნის პირველმა პირმა მოზარდების გათავისუფლების საქმეში შეტანილი წვლილისთვის და ამ პრობლემით დაინტერესებისთვის საქართველოში ევროკავშირის მისიის ხელმძღვანელს ჰანს იორგ ჰაბერს, ადამიანის უფლებათა საკითხებში ევროკავშირის კომისარს თომას ჰამერბერგს, ქართველ დეპუტატ გია თორთლაძეს და "ქრისტიან-დემოკრატებს", გატაცებული ბავშვების მშობლებს კი მოთმინებისთვის მადლობა გადაუხადა.
