სეზონურმა ვირუსმა კიდევ სამი ადამიანი იმსხვერპლა. ერთ-ერთი გარდაცვლილი ორსულია. სამივე შემთხვევა საქართველოს რეგიონებში დაფიქსირდა. ექიმები ფატალური შემთხვევების მიზეზად დაგვიანებულ მკურნალობას ასახელებენ.
დაავადებათა კონტროლის ეროვნული ცენტრის მონაცემებით, ზოგადად სეზონური გრიპების გავრცელები რიცხვმა იკლო , იკლო როგორც სტაციონარში მყოფი პაციენტების რიცხვმა ასევე ჯანდაცვის სექტორებში მიმართვინეობამ. თუმცა, ჯერ კიდევ რჩება ცალკეული შემთხვევები რომლებიც ლეტალურად სრულდება.
დავადებათა კონტროლის ეროვნულ ცენტრში ასევე აცხადებენ, რომ სამივე შემთხვევაში პაციენტებს გაუმწვავდათ ქრონიკული დაავადებები და მათ სტაციონარებს დაგვიანებით მიმართეს.
"გამოვლენილია დაახლოებით 900 მდე ავადმყოფი. აქედან დღეის მონაცემებით 32 გარდაიცვალა. ზოგადად გრიპი არის ისეთი დაავადება, რომ ხანდახან, თუმცა იშვიათად შეიძლება დაკავშირებული იყოს ძალიან მძიმე გართულებებთან მათ შორის ლეტალურ გამოსავალთანაც. ჩვენთვის რა თქმა უნდა ყოველი გარდაცვალება არის ტრაგედია, მაგრამ სტატისტიკური თვალსაზრისით თუ ვისაუბრებთ ეს რიცხვი არ აჭარბებს საშუალო მაჩვენებელს", - აცხადებს დავადებათა კონტროლის ეროვნულ ცენტრის ხელმძღვანელის მოადგილე გიორგი კანდელაკი.
ბოლო მონაცემებით გრიპით დაავადების ლაბორატორიულად დადასტურებული სულ 864 შემთხვევაა დაფიქსირებული. აქედან "H1N1"- ის 567 შემთხვევაა დადასტურებული. "B" ტიპის ვიტუსის 267 შემთხვევა, 1 - "H3N2" ის შემთხვევა იყო . სულ გარდაცვლილია 32 ადამიანი.
