საბჭოთა კავშირის ექს-პრეზიდენტ მიხეილ გორბაჩოვის განცხადებით, რუსეთის პრემიერ-მინისტრი ვლადიმერ პუტინის მონაწილეობა 2012 წლის საპრეზიდენტო არჩევნებში სპეკულაციაა.
როგორც გორბაჩოვი რუსულ გამოცემა "არგუმენტი ი ფაქტთან" საუბრისას ამბობს, დროა პუტინმა და რუსეთის პრეზიდენტმა დიმიტრი მედვედევმა გაიგონ, რომ "მათი დრო შეზღუდული და განსაზღვრულია".
"პუტინის ადგილას 2012 წლის საპრეზიდენტო არჩევნებში მონაწილეობას არ მივიღებდი. ის ორი ვადით უკვე იყო პრეზიდენტი და ახლა პრემიერია. არ მინდა ხალხი იყოს სამწყმსო, რომელსაც ერთი და იგივე მწყემსები ათეულობით წლების განმავლობაში მწყემსავენ", - განაცხადა გორბაჩოვმა.
მისი თქმით, საუბარი იმის შესახებ, რომ რუსეთი დემოკრატიული სახელმწიფოა - იმიტაციაა.
"ჩვენ ყველაფერი გვაქვს - სასამართლო, პარლამენტი, პრეზიდენტი, პრემიერ მინისტრი - მაგრამ ეს ყველაფერი დიდი მასშტაბის იმიტაციაა", - დასძენს საბჭოთა კავშირის ექს-პრეზიდენტი.
