საქართველოს სპეცსამსახურები ისლამისტურ იატაკქვეშეთს უჭერენ მხარს. ეს განცხადება დღეს მოსკოვში გამართულ პრესკონფერენციაზე რუსეთის დუმის დეპუტატმა სერგეი მარკოვმა გააკეთა და აღნიშნა, რომ ეს იმისათვის კეთდება, რომ ჩრდილოკავკასიაში სიტუაცია შეირყეს და რუსეთს ხელი შეეშალოს აფხაზეთისა და ე. წ. სამხრეთ ოსეთის დახმარებაში.
მარკოვი აღნიშნავს, რომ ყოველივე ეს ხორციელდება ამერიკელ გადასახადის გადამხდელთა ფულით.
"ფული, რომელსაც ამერიკელი გადამხდელები იხდიან, აშშ-ის ბიუჯეტში მიდის, შემდეგ ეს ფული აშშ-ის სპეცსამსახურებს გადაეცემა, შემდეგ ქართულ სპეცსამსახურებს და შემდეგ ისლამისტურ იატაკქვეშეთს", - აცხადებს მარკოვი.
დუმის დეპუტატი დარწმუნებულია იმაში, რომ ამგვარი მხარდაჭერა მეტყვებს საქართველოს მზადებაზე, ხელახლა შეიჭრას აფხაზეთსა და ე. წ. სამხრეთ ოსეთში.
