ფრაქცია "ჩვენი თბილისის" წევრმა, ჯანდაცვისა და სოციალურ საკითხთა კომისიის თავმჯდომარე ვიქტორ დოლიძემ მსოფლიო ჯანდაცვის ორგანიზაციის კვლევის შედეგები წარადგინა, რომლის მიხედვითაც, ჯანდაცვის დანახარჯები საქართველოს მთავრობის მხრიდან ერთ სულ მოსახლეზე წელიწადში 35 დოლარია.
"საქართველოში ერთ სულ მოსახლეზე ჯანდაცვისთვის 35 დოლარი იხარჯება. მაშინ, როცა ყოფილი საბჭოთა კავშირის ქვეყნები, კერძოდ, ესტონეთი ამ მიზნით წელიწადში 640 დოლარს ხარჯავს, ლიტვა_523 დოლარს, რუსეთი_243 დოლარს, ბელორუსი_226-ს, ხოლო უკრაინა_121 დოლარს,"_აცხადებს დოლიძე.
რაც შეეხება განვითარებულ ქვეყნებს, დოლიძის თქმით, საფრანგეთში ამ მიზნით ერთ სულ მოსახლეზე წელიწადში 3655 დოლარს ხარჯავენ, ამერიკაში_3317 დოლარს, გერმანიაში_3236, დიდ ბრიტანეთში_3161, კანადაში_3086, საბერძნეთში_1617, თურქეთში_320 დოლარს.
