მთავრობის მხრიდან დღეს ბევრი ნაბიჯი იდგმება, რომ ბიზნესსა და ხელისუფლებას შორის ჩატეხილი ხიდი აღდგეს. ამის შესახებ ბიზნესსაბჭოს სამუშაო შეხვედრის დასრულების შემდეგ ჟურნალისტებთან საუბრისას ბიზნესასოციაციის პრეზიდენტმა გიორგი ჭირაქიძემ განაცხადა.
"ბიზნესსაბჭო ბიზნესსა და მთავრობას შორის კომუნიკაციის აგების კარგი საშუალებაა. ვსაუბრობდით, რომ ხიდი იყო ჩატეხილი და დღეს ბევრი ნაბიჯი იდგმება, რომ ხელისუფლებას და ბიზნესს შორის ეს ხიდი აღდგეს. მსგავსი შეხვედრები მნიშვნელოვანია იმისთვის, რათა ბიზნესმენებმა დაიჯერონ, რომ მათი მხრიდან ინვესტიციების ჩადება იქნება გამოცოცხლება ეკონომიკის", - აღნიშნა ჭირაქაძემ.
მისი თქმით, ქართული ინვესტიციების საქართველოშივე ჩადება უზრუნველყოფს, რომ სახელმწიფომ შეასრულოს თავისი ფუნქციები.
