ბელორუსის პარლამენტი ოდესმე განიხილავს საკითხს აფხაზეთისა და ე. წ. სამხრეთ ოსეთის დამოუკიდებლობის აღიარების შესახებ. ეს განცხადება დღეს მინსკში ბელორუსის პარლამენტის საერთაშორისო საქმეთა და ნაციონალური უსაფრთხოების კომისიის ხელმძღვანელმა ნინა მაზაიმ გააკეთა.
"ოდესმე იქნება. ასეთი რთული საკითხები ერთ დღეში არ წყდება. დრო, მოთბინება, მუშაობა", - განაცხადა მაზაიმ.
თავის მხრივ, წარმომადგენელთა პალატის ვიცე-სპიკერმა ვიქტორ გუმინსკიმ განაცხადა, რომ ევროსაბჭოს საპარლამენტო ასამბლეის გასულ ზამთრის სესიაზე ბელორუსული დელეგაციის მიმართ აფხაზეთთან და ე. წ. სამხრეთ ოსეთთან დაკავშირებული საკითხები არ შესულა - "არც საქართველოს და არც რუსეთის წარმომადგენლებისგან", _ აცხადებს გუმინსკი.
