ქართველმა ბიზნესმენებმა ბიზნესსაბჭოს სამუშაო შეხვედრაზე კონკრეტული პრობლემები და წინადადებები დააყენეს. ამის შესახებ ბიზნესსაბჭოს სხდომის დასრულების შემდეგ საბჭოს თავმჯდომარის მოაგილემ, საფინანსო-საბიუჯეტო კომიტეტის თავმჯდომარემ ზურაბ მელიქიშვილმა ჟურნალისტებთან საუბრისას განაცხადა.
"გვქონდა სამუშაო რეჟიმი, რომელიც ორიენტირებულია შედეგებზე, ჩვენთვის კი, როგორც აღმასრულებელი, ასევე საკანონმდებლო ხელისუფლებისთვის, შედეგს წარმოადგენს სამუშაო ადგილების შექმნა და თუ ამისთვის საჭირო იქნება ცვლილებები შევიდეს საგადასახაო კოდექსში, ან ახალი ინიციატივებით გამოვიდნენ, მზად ვართ, ვითანამშრომლოთ", - აღნიშნა მელიქიშვილმა.
მისი თქმით, შეხვედრაზე რამდენიმე საკითხი დაისვა, მათ შორის გადამზიდავებთან დაკავშირებული საკითხები. მისი თქმით, ბიზნესმენებთან შეხვედრების ფორმატი შეზღუდული არ არის და ხელისუფლება ყოველთვის ცდილობს, მცირე ბიზნესის წარმომადგენლებს რეგიონებში ადგილზე შეხვდეს.