საპარლამენტო უმცირესობა ბიზნესის დეკრიმინალიზაციას მოითხოვს. როგორც ჟურნალისტებს ბიზნესსაბჭოს სხდომის დასრულების შემდეგ უმცირესობის ლიდერმა გიორგი თარგამაძემ განუცხადა, ქართული ბიზნესი დღეს შეშინებულია და აუცილებელია მთელი რიგი ინსტიტუციების გაძლიერება, როგორც სასამართლო, ასევე არბიტრაჟისა და დავების განხილვის საბჭოს მიმართულებით.
"პარლამენტს შეუძლია მნიშვნელოვანი როლი შეასრულოს, მაგრამ ყველას უნდა გვახსოვდეს, რომ ერთ-ერთი მნიშვნელოვანი ნაბიჯის გადადგმაა აუცილებელი. მცირე ეკონომიკური გადაცდენების დეკრიმინალიზაცია უნდა მოხდეს. როდესაც კომპანიას 25-ათასიანი დანაკლისი აქვს ამის გამო კრიმინალი არ უნდა გახდეს. დღეს კი ქართული მეწარმეები პოტენციური კრიმინალები არიან", - აღნიშნა თარგამაძემ.
მისი შეფასებით თუ ეს პრობლემა არ მოიხსნება, ქვეყანაში არც მეწარმეობა განვითარება და არც ბიზნესი.
"თუ საქართველოში თვითონ ქართველმა ინვესტორებმა არ ჩადეს ინვესტიციები, ჩვენი მთავრობის პირველმა პირებმა რაც არ უნდა იარონ საზღვარგარეთ, არც ერთი სერიოზული ბიზნესმენი ქართულ ბაზარზე არ შემოვა", - განაცხადა უმცირესობის ლიდერმა.
