2010 წელს საკრებულოს დეპუტატებზე პრემიის სახით სულ 270 510 ლარი გაიცა. ინფორმაცია IDFI-ს ქალაქის საკრებულომ მიაწოდა.
ოფიციალური მონაცემებით, გასული წლის განმავლობაში თავად უწყების ხელმძღვანელმა ზაალ სამადაშვილმა პრემიის სახით 24 760 ლარი მიიღო. რაც შეეხებათ დეპუტატებს, ყველაზე მეტი პრემია - 16 450-16 450 ლარის მოცულობით იოსებ ეგუტიასა და ნიკოლოზ ბაჩილავას აქვთ მიღებული. მათ მოსდევს მამუკა ახვლედიანი - 12 390 ლარით და ირაკლი ალასანიას გუნდის წევრი ზურაბ აბაშიძე - 11 970 ლარით. ამავე ოდენიბის პრემია მიიღო გასულ წელს ჯაბა სამუშიამაც. ინგა გრიგოლიას ანგარიშზე კი დეპუტატად არჩევიდან 6 თვის განმავლობაში 9 8 70 ლარია დარიცხული.
