მუამარ კადაფის ერთგულმა ძალებმა ლიდერს მიაწოდეს ინფორმაცია იმის შესახებ, რომ მათ თავიანთ კონტროლს დაუქვემდებარეს ქვეყნის ჩრდილო-დასავლეთ ნაწილში მდებარე ორი სტრატეგიულად მნიშვნელოვანი ქალაქი. ინფორმაციას ამის შესახებ ტელეარხი "ალ-ჯაზირა" ავრცელებს.
მათივე ინფორმაციით, სამთავრობო ძალებმა კონტროლი დაიბრუნეს ქალაქებზე გარს-გარიანზე და საბრატაზე. ამჟამად მიმდინარეობს ბრძოლა ლიბიის აღმოსავლეთ ნაწილში მდებარე ქალაქ მარსა-ბრეგასათვის, სადაც რამდენიმე სანავთობო კომპანიის სათავო ოფისებია განლაგებული.
ადგილობრივმა დამკვირვებლებმა, რომლებიც ქალაქ აჯაბიაში იმყოფებიან, ტელეარხს განუცხადეს, რომ ქალაქ მარსა-ბრეგაზე იერიში კადაფის ერთგულმა ძალებმა მიიტანეს. მედიის ინფორმაციით, ქალაქს დაქირავებულები დაესხნენ თავს, რომლებიც ქალაქზე იერიშის მისატანად 100 სატვირთო ავტომობილით მიიყვანეს.
