საქართველო 2015 წელს მილანში დაგეგმილ უნივერსალურ გამოფენაში " Expo 2015"-ზე ოფიციალურად მიიწვიეს. ამის შესახებ დღეს, საგარეო საქმეთა მინისტრის მოადგილისა და საქართველოში იტალიის რესპუბლიკის საგანგებო და სრულუფლებიანი ელჩი შეხვედრისას გახდა ცნობილი.
საგარეო საქმეთა სამინისტროს ინფორმაციით, მინისტრის მოადგილემ, დავით ჯალაღანიამ მიიღო საქართველოში იტალიის რესპუბლიკის საგანგებო და სრულუფლებიანი ელჩი, ვიტორიო სანდალი.
შეხვედრაზე მხარეებმა განიხილეს ორ ქვეყანას შორის არსებული ორმხრივი ურთიერთობების საკითხები.
საქართველოს საგარეო უწყების ინფორმაციით, შეხვედრაზევე იტალიის ელჩმა აცნობა მინისტრის მოადგილეს, რომ საქართველო ოფიციალურად არის მიწვეული 2015 წელს მილანში დაგეგმილ უნივერსალურ გამოფენაში " Expo 2015" მონაწილეობის მისაღებად და პრიორიტეტული ქვეყნების კატეგორიაშია შეყვანილი.
მასალის გამოყენების პირობები