80 წლის ასაკში გარდაიცვალა ამერიკელი მსახიობი ვინსენტ პასტორე, რომელიც განგსტერების როლებით იყო ცნობილი და სერიალში „ სოპრანოს კლანი“ სალვატორე "Big Pussy" ბონპენსიეროს როლს ასრულებდა,
მსახიობი ნიუ-იორკში, საკუთარ სახლში გარდაცვლილი მას შემდეგ იპოვეს, რაც რამდენიმე დღის განმავლობაში მასთან დაკავშირება ვერ მოხერხდა, იუწყება Associated Press.
ვინსენტ პასტორე ბრონქსში დაიბადა და ნიუ-იორკის შტატში გაიზარდა. ვიეტნამის ომის პერიოდში ის აშშ-ის სამხედრო-საზღვაო ძალებში მსახურობდა, მოგვიანებით კი სწავლა პეისის უნივერსიტეტიში განაგრძო.
მსახიობი ხშირად განასახიერებდა მაფიოზებისა და განგსტერების პერსონაჟებს.პასტორემ სამსახიობო კარიერა 1980-იანი წლების დასაწყისში დაიწყო. მან "სოოპრანოს კლანის" გარდა ითამაშა ისეთ ცნობილ ფილმებში, როგორებიცაა "კარგი ბიჭები", "გამოღვიძება" და სხვა.
