The Wall Street Journal-ის ინფორმაციით, აშშ-ის პრეზიდენტი დონალდ ტრამპი ირანის წინააღმდეგ სამხედრო ოპერაციების შემდგომ გაფართოებას განიხილავს. გამოცემის წყაროების ცნობით, ეს საკითხი თეთრი სახლის სიტუაციურ ოთახში უახლოეს მრჩევლებთან გამართული შეხვედრის შემდეგ განიხილება.
WSJ-ის ცნობით, განსახილველ ვარიანტებს შორისაა: ირანზე საჰაერო დარტყმების გაძლიერება; ჰორმუზის სრუტის მიმდებარე ტერიტორიების დასაკავებლად სახმელეთო ძალების განთავსება; ირანის ბირთვულ ობიექტზე, პიკაქსის მთაზე იერიშის მიტანა.
გამოცემის ინფორმაციით, ტრამპს საბოლოო გადაწყვეტილება ჯერ არ მიუღია. თუმცა, ამერიკელმა ოფიციალურმა პირებმა WSJ-ს უთხრეს, რომ პრეზიდენტი არ არის დაინტერესებული სახმელეთო ძალების გაგზავნით, განსაკუთრებით მას შემდეგ, რაც მან ადრე ხარგის კუნძულის დაკავების მუქარაზე უარი თქვა.
WSJ აღნიშნავს, რომ თუ ტრამპი ირანის წინააღმდეგ სამხედრო ოპერაციების გაფართოებას გადაწყვეტს, ეს აშშ-ს ახლო აღმოსავლეთის კონფლიქტში კიდევ უფრო ღრმად ჩაითრევს. გამოცემის შეფასებით, ასეთმა ნაბიჯმა შესაძლოა ბენზინის ფასების ზრდა გამოიწვიოს და რესპუბლიკელებს შუალედური არჩევნების წინ დამატებითი პოლიტიკური სირთულეები შეუქმნას.
მანამდე, ხუთშაბათს ღამით, აშშ-ის ცენტრალურმა სარდლობამ (CENTCOM) განაცხადა, რომ ირანის წინააღმდეგ დარტყმების მეორე ტალღა განახორციელა.
