რუსეთის ბელგოროდის ოლქში რუსული სამხედრო ვერტმფრენი მი-28 ჩამოაგდეს. ამის შესახებ უკრაინის შეიარაღებული ძალების უპილოტო სისტემების ძალების მეთაურმა რობერტ ბროვდიმ (მადიარმა) განაცხადა.
„მი-28 - „ღამის მონადირე“ ცხვირით მიწაშია“, - დაწერა მან Telegram-არხზე.
მადიარის განცხადებით, ვერტმფრენი უკრაინის შეიარაღებული ძალების უპილოტო სისტემების ძალების 427-ე ცალკეული ბრიგადის „რაროგის“ მებრძოლებმა ჩამოაგდეს რუსეთის ბელგოროდის ოლქის დასახლება ვიაზოვოეს რაიონში.
მი-28 მოიერიშე ვერტმფრენია, რომელსაც „ღამის მონადირეს“ უწოდებენ. ის შეიძლება გამოყენებულ იქნას ჯავშანტექნიკის, გამაგრებული პოზიციებისა და ცოცხალი ძალის გასანადგურებლად.
