რუსეთის პრეზიდენტ ვლადიმირ პუტინსა და აშშ-ის პრეზიდენტ დონალდ ტრამპს შორის სატელეფონო საუბარი შედგა. ამის შესახებ პუტინის თანაშემწემ, იური უშაკოვმა ჟურნალისტებს განუცხადა.
უშაკოვის თქმით, საუბრისას პუტინმა აღნიშნა, რომ მზად არის 9 მაისს „ცეცხლის შეწყვეტა“ გამოაცხადოს .
უშაკოვის თქმით, ტრამპმა ამ იდეას მხარი დაუჭირა.
კრემლის ინფორმაციით, სატელეფონო საუბარი დაახლოებით საათნახევარი გაგრძელდა.
უშაკოვის თქმით, პუტინმა განაცხადა, რომ რუსეთი თავის მიზნებს მაინც მიაღწევს, თუმცა „მოლაპარაკებების გზით“ სურს ამის გაკეთება.
თავის მხრივ, ტრამპმა აღნიშნა, რომ უკრაინაში ომის დასრულებაზე შეთანხმება „უკვე ახლოსაა“.
