საქართველოს მეხუთე პრეზიდენტი "ქართულ ოცნების" მთავრობაში მორიგ სამთავრობო ცვლილებებს არ გამორიცხავს. სალომე ზურაბიშვილმა ამის შესახებ Facebook live-ის დროს ისაუბრა, სადაც ის მოქალაქეების შეკითხვებს პასუხობს.
ზურაბიშვილის თქმით, პრემიერ-მინისტრის თანამდებობაზე შეიძლება განიხილავდნენ საგარეო საქმეთა მინისტრს და ვიცე-პრემიერს, მაკა ბოჭორიშვილს.
"ახლა, ალბათ კობახიძე ფიქრობს, მე რამდენხანს ვიქნები, რამდენხანს მოუნდება, კალაძეც ფიქრობს, მაგრამ კალაძე ერთი რამით არის დაცული, რომ ალბათ არავის არ აქვს სურვილი, რომ გაიმართოს თბილისის არჩევნები. მაგრამ არჩევნები არ არის საჭირო პრემიერისთვის, ამიტომ კობახიძეს ნაკლები გარანტიები აქვს და იქით-აქეთ ვიღაცები უმიზნებენ "იმის" მხარდაჭერას და ამის ადგილს, ვიღაც თურმე მაკა ბოჭორიშვილზე ლაპარაკობს, ვიღაც კიდევ სხვაზე და ამ ყველაფერს ადევნებს ყურს ალბათ ჩვენი კობახიძე," -განაცხადა სალომე ზურაბიშვილმა.
