"ოპოზიციის ალიანსი" აცხადებს, რომ დიუშენის კუნთოვანი დისტროფიის შემთხვევა სისტემური პრობლემების მკაფიო ილუსტრაციაა და ხელისუფლება ვერ უზრუნველყოფს მოქალაქეების, განსაკუთრებით კი ბავშვების ჯანმრთელობის დაცვას. ამის შესახებ "ოპოზიციის ალიანსის" წევრებმა საგანგებო ბრიფინგზე განაცხადეს.
მათი თქმით, ჯანდაცვის სფეროში არსებული ხარვეზები პირდაპირ აისახება პაციენტების სიცოცხლის ხარისხსა და გადარჩენის შანსებზე.
"უკანასკნელი დღების მანძილზე დიუშენის კუნთოვანი დიაგნოზის ირგვლივ განვითარებულმა მოვლენებმა ცხადყო, თუ რამდენად მოშლილი და დეჰუმანიზებულია სახელმწიფო ინსტიტუცია, რომლის უმთავრეს მოვასალეობასაც, ჯანმრთელობასა და სიცოცხლეზე ზრუნვა, მითუმეტეს, ბავშვთა სიცოცხლეზე ზრუნვა წარმოადგენდეს.
ბავშვთა ჯანმრთელობა ეს არის ფუნდამენტური უფლება, ეს არ არის პრივილეგია, რომელიც საქართველოში ყოველდღიურად ირღვევა, რისი ნათელი მაგალითიცაა ჯანდაცვის სერვისების ორგანიზებულობის, მედიკამენტებზე ხელმისაწვდომობისა და მძიმე დაავადებების მართვის საკითხი, რომლის განვითარების პირობაც "ქართულმა ოცნებამ" არაერთხელ დადო, მაგრამ დღეს ჩვენ ვხედავთ, რომ არაერთი ბავშვი ოჯახებთან ეთად დღეს სწორედ სიცოცხლის გადასარჩენად ემიგრირებს სხვა ქვეყნებში.
ამ მაგალითზე ძალიან ნათლად ჩანს,რ ომ ქვეყნის დასავლეთისგან იზოლაცია უდრის ჩვენი ბავშვებისთვის დასავლურ მედიცინაზე და ფინანსებზე წვდომის შეზღუდვას, რადგან იმისთვის, რომ არა მხოლოდ იშვიათი, არამედ, ზოგადად, სხვა დიაგნოზის მქონე ბავშვების პრობლემები სისტემურად გადაწყდეს, საჭიროა საერთაშორისო პარტნიორობა.
ამავდროულად, რთული, ვისაუბროთ მაღალტექნოლოგიურ მედიცინაზე მაშინ, როდესაც "უნისეფის" გასული წლის დასკვნის მიხედვით, საქართველოში ბავშვების თიტქმის მეოტხედი ფეკალიებით დაბინძურებულ წყალს სვამს, მათ შორის, ბაღებსა და სკოლებში, რასაც ადასტურებს სურსათის ეროვნული სააგენტოს უკანასკნელი მონაცემებიც. სწორედ იმ ბაღებსა და სკოლებში, რომლის რეაბილიტაციისა და მშენებლობის თანხას იპარავს მიტაცებული ხელისუფლება და მიმართავს საკუთარი ჯიბეებისკენ, მაგრამ რატომღაც მკურნალობისა და დაადავადების მართვისთვის საჭირო თანხას ვერ პოულობს.
საჭიროა კონკრეტული ქმედება მრავალი მიმართულებით, რაც "ქართული ოცნების" პირობებში შეუძლებელია, მაგრამ ალიანსს აქვს კონკრეტული ხედვები და გზები ამ პრობლემების გადაჭრის. შესაბამისად, ის უნდა იქცეს რეალურ პოლიტიკად და ყოველდღიურ პრაქტიკად, რაც წარმოადგენს კიდეც სწორედ ალიანსის ხედვას, - თქვა ბრიფინგზე ანა ქავთარაძემ.
ფოტო: "ტვ პირველი"
