მამუკა მდინარაძე „ამოღების“ უფროსად დანიშნეს, მართლა უსაფრთხოება კი არ აინტერესებდა ბიძინას, მდინარაძე გააპანღურეს ერთი რამის გამო - არ არის ფული, არ არის მამუკა, - ამის შესახებ, „ნაციონალური მოძრაობის“ პოლიტსაბჭოს თავმჯდომარემ, ბრალდებულმა ლევან ხაბეიშვილმა სასამართლო პროცესზე განაცხადა.
"კაცმა პირადად უზრუნველყო ჩემი დაკავება. თავმოყვარე ბაგა-ბაღში დირექტორს არ შეცვლიან 1 წელიწადში. მეოთხე სუს-ის უფროსი დანიშნეს. ოხანაშვილი სად აორთქლდა, დაჭერილი ხომ არ არის? მდინარაძე იყო და ახლა გელა. მდინარაძე აორთქლდა, “ზბორებზე“ გაუშვეს, დაამცირეს. სუს-ის უფროსი გახდა, გიჟივით კაცი დაეწაფა - პოლკოვნიკი, მაიორი, გენერალი და თურმე, არც ისე არ უნდოდათ ეს თანამდებობა. თავმოყვარეობა აღმოაჩნდათ სხვა სუს-ის ხელმძღვნელებს, მდინარაძე უთავმოყვარო უტეხია. გააპანღურეს სუს-იდან. სუს-ზე მაღალი თანამდებობა პრემიერ მინისტრობაც კი არაა.
რატომ მოხდა ჩემი დაკავება? მან გასცა პირადად ეს ბრძანება. მოსამართლემ, რომელმაც პატიმრობაში გამიშვა, მისი თანამშრომლის მეუღლეა, მე მგონი, მაინც და მაინც ობიექტური არაა.
რატომ დამიჭირა მდინარაძემ? ვთქვი, რომ რიჟვაძეს 300 მლნ მოსთხოვეს, ხაბეიშვილი იტყუებაო. მერე რიჟვაძეს კლავდნენ. რიჟვაძეს რომ კლავდნენ, ამაზე პასუხი ვიცით? მამუკა მდინარაძე იყო თუ არა იქ, კითხვა რომ დავსვი, თვითონ თქვა, არ ვიყავიო. პროკურატურამ თქვა, რომ არ იყო? არავის არაფერი უთქვამს. სად არის ეს გამოძიება? ბიძინას ეს გამოძიება კი არ აინტერესებს, სად არის 300 მილიონი, ბიძინას რომ უთხრეს, ამოვიღებთო? სად არის ლილუაშვილს ფული რომ სთხოვეს?
ლილუაშვილმა თქვა, მე ფულს არ მოვიტან, წავალ ციხეშიო. მამუკა მდინარაძე „ამოღების“ უფროსად დანიშნეს, მართლა უსაფრთხოება კი არ აინტერესებდა ბიძინას. მამუკა მდინარაძე გააპანღურეს ერთი რამის გამო - არ არის ფული, არ არის მამუკა, მორჩა, დამთავრდა! ფული, ფული, სად არის ფული და მამუკაც გაუშვეს სახლში.
სუს-ის უფროსი იყო კაცი და კირცხალიას და ზარქუას დონეზე დააბრუნეს, მაგრამ მას ეს თავმოყვარეობა არ აქვს. 8 თვე თვალის დახამხამებაში გავიდა და მამუკასაც დარჩა გენერლობა.
8 თვე ისე გავიდა, თვალის დახამხამებაში, მამუკასაც დარჩა გენერლობა. სასწრაფოდ გააგდეს, ბიძინამ დარეკა. თუ ყველაფერი კარგადაა, დალაგებულად შექმნიდნენ სამსახურს. მერე გადაიყვანდენ გენერალ კაცს. ხალხი 30 წელი მსახურობს, რომ გენერალი გახდეს. ეს კაცი 8 თვეში გახდა გაპანღურებული გენერალი, - თქვა ხაბეიშვილმა პროცესზე.
