ირანის პრეზიდენტი მასუდ ფეზეშქიანი აშშ-ის პრეზიდენტის დონალდ ტრამპის განცხადებას ეხმიანება.
„ირანში არ არსებობენ არც რადიკალები და არც ზომიერები; ჩვენ ყველანი ვართ „ირანელები“ და „რევოლუციონერები“, ერისა და ხელისუფლების რკინის ერთიანობით, რევოლუციის უზენაესი ლიდერისადმი სრული მორჩილებით, ჩვენ ვაიძულებთ აგრესორ დამნაშავეს ინანოს თავისი ქმედებები.
ერთი ღმერთი, ერთი ერი, ერთი ლიდერი და ერთი გზა, გზა ჩვენი ირანის გამარჯვებისკენ, რომელიც სიცოცხლეზე უფრო ძვირფასია,“ - წერს მასუდ ფეზეშქიანი.
დონალდ ტრამპმა განაცხადა: „ირანი ძალიან რთულ მდგომარეობაშია, ვერ გაურკვევიათ, ვინ არის მათი ლიდერი! შიდა დაპირისპირება მიმდინარეობს რადიკალებს, რომლებიც ბრძოლის ველზე ძალიან მარცხდებიან და ზომიერებს შორის, რომლებიც სინამდვილეში არც ისე ზომიერები არიან (მაგრამ უფრო და უფრო პატივისცემას იძენენ). სრული სიგიჟეა!"
