კანადის საგარეო საქმეთა მინისტრმა ანიტა ანანდმა რუსეთის „ჩრდილოვანი ფლოტის“ ტანკერების წინააღმდეგ დამატებითი სანქციები გამოაცხადა.
კანადის საგარეო საქმეთა მინისტრმა განაცხადა, რომ კანადა სანქციების სიას რუსეთის „ჩრდილოვანი ფლოტიდან“ კიდევ ას ტანკერს ამატებს.
როგორც მთავრობაში აღნიშნეს, გამოცხადებული სანქციები მიზნად ისახავს რუსეთის მიერ უკრაინის წინააღმდეგ სამხედრო ოპერაციების დაფინანსების უნარის შესუსტებას.
„კანადა ურყევად აგრძელებს უკრაინის სუვერენიტეტისა და უკრაინელი ხალხის მხარდაჭერას, რომლებიც მტკიცედ იცავენ საკუთარ უფლებებს პუტინის დესტრუქციული და აგრესიული ქმედებებისგან.
ვიდრე რუსეთი აგრესიას არ შეწყვეტს, კანადა გააგრძელებს ზეწოლის გაზრდას სანქციების გზით, მოკავშირეებთან და პარტნიორებთან კოორდინაციით“, - განაცხადა მინისტრმა.
საერთო ჯამში, კანადამ რუსეთში საქონლისა და პროდუქტების ტრანსპორტირებაში მონაწილეობის გამო სანქციები 600-ზე მეტ გემს დაუწესა.
