ელენე ხოშტარიას ციხეში კიდევ ერთი წლით დამწყვდევის თაობაზე, კიდევ ერთხელ გაახსენეს ქართულ საზოგადოებასაც და მსოფლიოსაც, სინამდვილეში ვინ არიან, - ამის შესახებ "ლელო - ძლიერი საქართველოს" წევრი სალომე სამადაშვილი სოციალურ ქსელში წერს.
"სიძულვილის იდეოლოგიაზე დამყარებული ივანიშვილის რეჟიმის ფარისვლური მასკარადი, კამერების და ფოტოგრაფების წინ, 'სიკეთეზე' 'სათნოებასა' და სხვა ქრისტიანულ სიკეთეებზე დასრულდა...პირველივე გადაწყვეტილებით, გლოვის დღეების დასრულების შემდეგ, ელენე ხოშტარიას ციხეში კიდევ ერთი წლით დამწყვდევის თაობაზე, კიდევ ერთხელ გაახსენეს ქართულ საზოგადოებასაც და მსოფლიოსაც, სინამდვილეში ვინ არიან. ჩემი სოლიდარობა ელენეს, მის ოჯახს", - წერს სამადაშვილი.
შეგახსენებთ, კახა კალაძის საარჩევნო ბანერის დაზიანებაში ბრალდებული პოლიტიკოსი, “დროას” ლიდერი, ელენე ხოშტარია სასამართლომ დამნაშავედ ცნო. გადაწყვეტილება თბილისის საქალაქო სასამართლოს მოსამართლემ გიორგი არევაძემ მიიღო. არევაძის განაჩენით, ელენე ხოშტარიას 1 წლითა და 6 თვის ვადით თავისუფლების აღკვეთა მიუსაჯა. შესაბამისად, ხოშტარია პენიტენციურ დაწესებულებას 1 წელში დატოვებს.
