გასულ ღამეს, ნორვეგიის დედაქალაქში, ამერიკის საელჩოში აფეთქება მოხდა.
ინფორმაციას Reuters ოსლოს პოლიციაზე დაყრდნობით ავრცლებს
ინციდენტი ადგილობრივი დროით დაახლოებით ღამის 1:00 საათზე ქალაქის დასავლეთ ნაწილში მოხდა. აფეთქების მიზეზი და შესაძლო მონაწილე პირები ჯერ დადგენილი არ არის.
თვითმხილველებმა ჟურნალისტებს განუცხადეს, რომ დიპლომატიური რეზიდენციის თავზე კვამლი ამოდიოდა.
გამოცემა წერს, რომ ინციდენტმა მცირე დაზიანება გამოიწვია.
„პოლიცია საელჩოსთან კონტაქტშია; დაშავებულების შესახებ ინფორმაცია არ არსებობს“, - ნათქვამია სამართალდამცავი ორგანოს განცხადებაში.
პოლიციის წარმომადგენელმა მიკაელ დელემერემ საზოგადოებრივ მაუწყებელს განუცხადა, რომ აფეთქება საკონსულო განყოფილების შესასვლელთან მოხდა.
