The Washington Post-ის წყაროების ცნობით, რუსეთი ირანს ახლო აღმოსავლეთში ამერიკული სამხედრო გემებისა და თვითმფრინავების ადგილმდებარეობის შესახებ სადაზვერვო მონაცემებს აწვდის.
„რუსეთი ირანს აწვდის სადაზვერვო ინფორმაციას ახლო აღმოსავლეთში ამერიკული ძალების დასაბომბად, რაც პირველი ნიშანია იმისა, რომ აშშ-ის კიდევ ერთი მთავარი მოწინააღმდეგე ჩართულია ომში - თუმცა ირიბად“, - განუცხადა გამოცემას წყარომ.
აღნიშნულია, რომ რუსეთის მხრიდან ირანისთვის ასეთი დახმარება მიუთითებს იმაზე, რომ შეერთებული შტატების ერთ-ერთი მთავარი კონკურენტი ამჟამად კონფლიქტშია ჩართული.
კერძოდ, სამხედრო ოპერაციის დაწყებიდან რუსეთი ირანს აწვდიდა ინფორმაციას ამერიკული სამხედრო ობიექტების, მათ შორის სამხედრო გემებისა და თვითმფრინავების ადგილმდებარეობის შესახებ.
ამის შესახებ გამოცემას სამმა ოფიციალურმა პირმა ანონიმურობის დაცვის პირობით განუცხადა.
„როგორც ჩანს, ეს საკმაოდ ყოვლისმომცველი ძალისხმევაა“, - თქვა ერთ-ერთმა წყარომ.
ვაშინგტონში რუსეთის საელჩომ გამოცემას კომენტარის თხოვნაზე არ უპასუხა.
