აზიის განვითარების ბანკის პრეზიდენტ მასატო კანდასთან შეხვედრაზე განვიხილეთ ჩვენი მჭიდრო თანამშრომლობა და აზიის განვითარების ბანკის ჩართულობა ჩვენი ეკონომიკის ძირითად სექტორებში, - ამის შესახებ საქართველოს პრემიერ-მინისტრი ირაკლი კობახიძე სოციალურ ქსელ X-ში წერს.
როგორც პრემიერ-მინისტრი აღნიშნავს, თბილისში აზიის განვითარების ბანკის ახალი წარმომადგენლობის გახსნა კიდევ უფრო გააძლიერებს პარტნიორობას და ახალ შესაძლებლობებს შექმნის ინვესტიციებისა და განვითარებისთვის.
„მოხარული ვარ, რომ საქართველოში ვმასპინძლობ აზიის განვითარების ბანკის პრეზიდენტს, მასატო კანდას. შეხვედრაზე განვიხილეთ ჩვენი მჭიდრო თანამშრომლობა და აზიის განვითარების ბანკის ჩართულობა ჩვენი ეკონომიკის ძირითად სექტორებში. ამ საერთაშორისო საფინანსო ინსტიტუტის საინვესტიციო პორტფელი 5 მილიარდ აშშ დოლარს აღემატება. თბილისში აზიის განვითარების ბანკის ახალი წარმომადგენლობის გახსნა კიდევ უფრო გააძლიერებს ჩვენს პარტნიორობას და ახალ შესაძლებლობებს შექმნის ინვესტიციებისა და განვითარებისთვის“, - წერს ირაკლი კობახიძე.
